Anqarada Rossiya elchisini otib ketishdi

Anqarada Rossiyaning Turkiyadagi elchisi Andrey Karlovga qurolli hujum uyushtirildi. Bu haqda NTV telekanalida xabar qilindi.

Telekanal ma'lumotiga ko‘ra, qurollangan shaxslar fotoko‘rgazma o‘tkazilayotgan zalga bostirib kirishgan. O‘qotar quroldan jarohatlangan Karlov og‘ir ahvolda shifoxonaga olib ketilgan.

Hozircha Anqaradagi Rossiya elchixonasi bu xabarga izoh bermayapti.

Rossiya TIVning rasmiy vakili Mariya Zaxarova yaqin vaqt ichida hodisa tafsilotlari aniqlashishini aytib, faqat rasmiy ma'lumotlarga tayanishni so‘ragan.