Anqaradagi qotillik. Voqea joyidan ilk video

Rossiyaning Turkiyadagi elchisini o‘ldirgan qotilning voqea joyidagi harakatlari videoyozuvlarga muhrlangan.

U qotillikni amalga oshirib bo‘lgach, baland ovozda baqira boshlaydi va asosan Suriyadagi voqealar uchun o‘ch olish haqida gapiradi.

Anqaradagi Zamonaviy san'atlar markazida rasm ko‘rgazmasi ochilish marosimida Rossiyaning Turkiyadagi elchisi Andrey Karlovga suiqasd uyushtirildi.

Ochilish marosimida so‘zga chiqqan Andrey Karlovga qarata uning ortida turgan noma'lum shaxs o‘q uzdi. Elchi o‘q yeb yiqilgach, jinoyatchi havoga qarata o‘t ochdi va mehmonlarni zaldan chiqib ketishga buyurdi.

Ko‘p o‘tmay u politsiyachilar tomonidan otib tashlandi.