Россия элчиси Андрей Карловни ўлдирган қотил Анқара полицияси зобити бўлган. Бу маълумотни Reuters агентлиги Туркия кучишлатар тузилмаларидаги манбаларига асосланиб тарқатди.

NTV телеканали хабарига кўра, қотил замонавий санъатлар кўргазмаси бўлиб ўтаётган бинога полициячи гувоҳномасини кўрсатган ҳолда кирган.

Телеканал маълумотига кўра, у қўриқчилар таркибида бўлган. Шунингдек, унинг ҳужжатлари сохта бўлиши мумкинлиги ҳам истисно қилинмаяпти.

Ижтимоий тармоқларда эса ушбу шахснинг полиция формасида тушган суратлари тарқалмоқда.