Бу йил Хитой халқ республикаси ЯИМ (ялпи ички маҳсулоти) ўсиш суръатлари 6,7 фоизни ташкил этади, 2017 йилда бу рақам 6,5 фоизни ташкил этади, дейилади Хитой ижтимоий фанлари Академияси томонидан тайёрланган иқтисодиёт бўйича Кўк китобда. 

2015 йил якунларига кўра, Хитой ЯИМ 6,9 фоизгача секинлашган ва сўнгги 25 йилдаги энг ёмон кўрсаткич бўлганди. 2016 йилда мамлакат ҳукумати ўсиш режасини 6,5-7 фоиз оралиғида белгилаган эди. ХХР Давлат статистика қўмитаси бюроси маълумотларига кўра, 2016 йилнинг уч чорагида Хитой ЯИМ 6,7 фоизни ташкил этган. Шунга кўра, биринчи уч чорак натижаси ҳукумат режаларига тўла мос келади. Таҳлилчилар эса, Хитой иқтисодиётининг учинчи чоракдаги ўсиши суръатларини 6,6 фоизгача пасайишини тахмин қилишган эди. 

Кўк китобга кўра, ХХР ЯИМ 2017 йилда тахминан 6,5 фоиз атрофида ўсади. Шу билан, мамлакат иқтисодиёти 2016 йил кўрсаткичидан 2 пунктга пасаяди. 

Давлат статистика бюроси хабарига биноан, ўтган уч чоракдаги инфляция даражаси 2 фоизни ташкил этган, мамлакат ҳукумати пул қадрсизланиши 3 фоизни ташкил этади, дея тахмин қилган эди. 2017 йилги инфляция эса, Кўк китобда ёзилишича, 2,2 фоиз даражасида бўлиши керак.