Польша президенти Анжей Дуда пенсияга чиқиш ёшини пасайтириш ҳақидаги ўз қонун лойиҳасига имзо чекди. Бу ҳақда ТАСС хабар бермоқда. Аввалроқ, ушбу ташаббусга Сейм (парламент қуйи палатаси)нинг 262 депутати овоз берганди.

Шу тариқа, 2017 йилнинг 1 октябридан пенсия ёши аёлларда 60, эркакларда эса 65 ёшгача пасайтирилади.

Маълумот учун, Польшада айни дамда аввалги ҳукумат партияси “Фуқаролик платформаси” томонидан 2014 йилда қабул қилинган нормалар мавжуд. Унга кўра, аёллар ва эркакларда пенсияга чиқиш 67 ёшгача кўтарилганди.