20 декабрь куни "1 киши. 7 амирлик. 7 кун" саёҳатига старт берилади

Lifestyle 20 Декабрь 2016 8083
Фото: Gulfnews.com

Жалол бин Саний имконияти чекланган кишиларга эътиборни юксалтириш ва бир вақтнинг ўзида жаҳон рекордини ўрнатиш мақсадида етти амирликни атиги 7 кунда босиб ўтишни режалаштирмоқда. Бу ҳақида Gulf News нашри хабар берди.

У 2006 йил, 20 ёшида Дубай Аутизм марказини қўллаб-қувватлаш мақсадида етти амирликни айланиб чиққан. Ўшанда саёҳатга 18 кун сарфланганди. 

2008 йилда Жалол Дубайдаги 100 осмонўпар бинонинг зиналарини 12 кунда босиб ўтиб, "вертикал марафон" қаҳрамонига айланган. У Rashid Centre ногиронлар марказини  қўллаб-қувватлаш мақсадида шу ишни амалга оширган. 

2009 йилда у имконияти чекланган болаларни даволовчи Dubai’s Senses Centre'ни қўллаб-қувватлаш мақсадида Омон ва БАА ўртасидаги "Руб-ал-Ҳалий" улкан саҳро ҳудудини босиб ўтган. 

2011 йилда БААдан Маккага, Саудия Арабистонига йўл олиб, 2000 километрли масофани босиб ўтган. Саёҳатга 47 кун кетган. У Умра зиёратини адо этди. Бу сафар у Дубайдаги Имконияти чекланган кишилар марказини қўллаб-қувватлашга қарор қилди.

2013 йилда у Форс кўрфазининг 6 мамлакати (Омон, БАА, Саудия Арабистони, Қатар, Баҳрайн, Кувайт) бўйлаб 5000 километрдан ортиқ масофани босиб ўтган. Саёҳат БААдаги нотижорат тиббий тадқиқотлар ўтказилувчи Al Jalila Foundation'га аталган. 

Энди эса у Гиннеснинг рекордлар китобига кирмоқчи. Бироқ орзусидаги кўк сертификатни қўлга киритиш у қадар осон эмас.

Фото: Gulfnews.com

20 декабрь куни Жалол бин Санийнинг амирликлар бўйича саёҳатига старт берилади. У саҳролар ва тоғли ҳудудларни ёлғиз кечиб ўтишига тўғри келади. 

Фото: Gulfnews.com

Саний бунинг уддасидан чиққан тадирда, у "Бирлашган Араб Амирликларини энг тез босиб ўтган пиёда" сифатида расман тақдирланади. 

Фото: Gulfnews.com

Жалол саёҳатни амалга ошириш учун дастлаб ваннахона, мини-ошхона ва қулай кровати бўлган ғилдиракли уйни ижарага олмоқчи бўлди.

Бироқ бундай уйнинг қимматга тушишини инобатга олиб, у Nissan Patrol'да ухлаш учун махсус жой тайёрлашига тўғри келди. Автомобиль Санийга ёрдам берувчи кўнгилли томонидан бошқарилади. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 16652 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69061 Жамият
Кун.uz офис изламоқда
15:48 / 06.08.2017 37461 Lifestyle
"Реал" Испания Суперкубоги соҳиби!
04:08 6022 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2386 Жаҳон
Саакашвили Украинага қачон қайтишини маълум қилди 
01:15 3037 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар