Texas Machine Gun & Ordnance компанияси АҚШнинг қурол ҳақидаги Миллий қонуни (National Firearm Act) унинг ракеталар ишлаб чиқариш имконини чеклашидан норози бўлмоқда, деб хабар бермоқда Guns.com.

Компания ўтган дам олиш кунлари “Мен ракетачиман” номли жанговар ракетани рўйхатдан ўтказиши ҳақида маълум қилди.

"Биз қонуний асосда ракеталарни ишлаб чиқаришимиз мумкин эмас экан, ракета моделини ҳақиқий жанговар ракетага айлантиришга қарор қилдик", - дейилади қўлбола бомбалар сотиш билан машҳур бўлиб кетган компания баёнотида. 

"Айни дамда моделда жанговар қисм йўқ, бироқ уни ишга тушириш учун икки-уч ой вақт қолди. Компания оғирлик, ҳажм ва двигатель турлари борасидаги ишларни охирига етказиши зарур. Энг асосийси – Федерал авиация ҳукумати билан ракеталарни ишга тушириш бўйича талаблар юзасидан бир қарорга келиб олиш. Тажрибаларни якунлаганимиздан сўнг бизда қонуний тарзда рўйхатдан ўтган ракета 100 фоизга тайёр бўлади", - дея қўшимча қилган компания вакили.