Эроннинг Анқарадаги элчихонаси Анқарада Россия элчиси Андрей Карлов ўлдирилгандан кейин Эроннинг Туркиянинг бир нечта шаҳарларидаги консуллик хизматлари вақтинчалик ёпилишини маълум қилди. 

"Эроннинг Истанбул, Трабзон ва Эрзерумдаги бош консулликларидаги консуллик хизматлари 20 декабрда ёпилади. Барча юртдошларимизга бу жойларга мурожаат қилмасликни илтимос қиламиз", деб айтилган Эрон элчихонаси сайтида.

Россия элчисига 19 декабрда фотокўргазма очилиши вақтида ҳужум содир этилди. Элчининг қотили исми Мавлут Март Олтинтош бўлиб, у 2,5 йил полицияда ишлаган.

Россия президенти Владимир Путин воқеани Туркия билан яхши муносабатлар ва Суриядаги вазиятни тартибга солишнинг барбод қилинишига қаратилган "пасткаш қотиллик" ва иғво деб атади.