Хитой фуқароси АҚШ ҳарбий технологияларини ўғирлаганига иқрор бўлди

Жамият 20 Декабрь 2016 4251
Фото: © Fotolia

АҚШнинг United Technologies (UTRC) тадқиқот марказида ишлаган хитойлик ўз қилмишларига иқрор бўлди. Хитой халқ республикаси фуқароси Юй Лун, муҳим ҳарбий технологиялар ва ҳужжатларни ўғирлаб, уларни Хитойга топширганини тан олди, деб хабар қилмоқда АҚШ адлия вазирлиги матбуот хизмати. 

"Лун қилаётган ўғирлиги Хитой ҳарбий саноатига фойдали бўлишини англаган ҳолда, муҳим ҳарбий технологиялар ва ҳужжатларни ўмарган. Шу билан, АҚШнинг Хитойга нисбатан жорий қилган аслаҳалар ва технологиялар бўйича эмбаргоси (U.S. Munitions List technology)ни қасддан бузган", — деган АҚШ бош прокурори ёрдамчиси в.б. Мэри Маккорд.

Америка адлия вазирлиги маълумотларига кўра, АҚШда яшаш ва ишлаш рухсатномасига эга бўлган 38 ёшли Лун жиноий фаолият билан шуғуллангани ва тижорий сирни хорижий ҳукуматга ошкор қилганини тан олган. Мазкур жиноят учун энг кўп қамоқ жазоси 15 йилни ташкил этади. У, шунингдек, қурол-яроғлар экспортини назорат қилиш тўғрисидаги қонун талабларини бузган. Бунинг учун, у 20 йилга озодликдан маҳрум қилиниши мумкин. 

Суд ҳужжатларида қайд этилишича, 2008 йил майидан 2014 йил майига қадар Лун  UTRC’да бош муҳандис бўлиб ишлаган. Унинг фаолияти F119 ва F135 қирувчи самолётлари учун двигателлар ишлаб чиқариш билан боғлиқ бўлган. 

2014 йилда Хитойга қайтган Лун қатор университетлар ва илмий институтлар билан ҳамкорлик қилган. 

Адлия вазирлигининг маълум қилишича, айбланувчига нисбатан неча йил тайинлаш борасида хулосага келингани йўқ. У қўлга олинганидан бери, вақтинчалик ҳибсда сақланади. 

 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар