Foto: RIA
Turkiya tashqi ishlar vaziri Mavlut Chavusho‘g‘li Moskvaga kelgan. Bu haqda, RIA «Novosti» agentligi Turkiya elchixonasidagi manbasiga tayangan holda xabar qilmoqda.
«Vazir allaqachon Moskvaga keldi», — degan manba.
Turkiya tashqi ishlar mahkamasi rahbari 20 dekabr kuni Moskvada bo‘lib o‘tajak uch tomonlama muzokaralarda ishtirok etadi. Unda Chavusho‘g‘lidan tashqari Rossiya tashqi ishlar vaziri Sergey Lavrov, Eron tashqi ishlar vaziri Muhammad Javod Zarif ham qatnashadi.
Bundan avval, Turkiya vaziri Anqarada Rossiya elchisiga suiqasd qilinishini qoralab, bayonot bergan edi.
