Самарқанд қуёш электр станциясини хитойликлар барпо этади

Технология 20 Декабрь 2016 8101
Фото: Google image

Ўзбекистоннинг Самарқанд вилоятида қуёш электр станциясини барпо этиш бўйича тендерда Хитойнинг Zhuhai Singyes Green Building Technology компанияси ғолиб деб топилди. Ушбу компания Марказий Осиёдаги биринчи муқобил энергия станциясини қуриб беради. Бу ҳақда, “Ўзбекэнерго” АЖ матбуот хизмати хабар қилган. 

“Ўзбекистон Республикаси Президентининг 2014 йил 4 июндаги “Самарқанд вилоятида қуввати 100МВт бўлган қуёш фотоэлектр станциясини қуриш” инвестицион лойиҳасини амалга ошириш бўйича чора тадбирлар тўғрисида”ги 2183-сонли қарори ижроси доирасида ва идоралараро тендер кенгашининг 2016 йил 27 октябрдаги қарорига биноан Самарқанд вилоятида қурилаётган 100МВтли қуёш фотоэлектр станциясини лойиҳалаштириш, қуриш ва эксплуатация қилиш бўйича асосий пудратчи деб “Zhuhai Singyes Green Building Technology Co., Ltd” компанияси белгиланди”, - дейилади хабарда.

Ушбу тендер 2014 йил октябрь ойида эълон қилинган эди. Уни қуриб, фойдаланишга топшириш учун 2 йил вақт талаб этилиши мумкин. Лойиҳани амалга ошириш бўйича консалтинг хизматини Германиянинг GOPA International Energy Consultant, Suntrace ва Renewables Academy фирмалари кўрсатади. 

“Ўзбекэнерго” маълумотларига кўра, минтақадаги биринчи шундай электрстанция йилига 200 миллион кВт*соат электр энергияси ишлаб чиқариши керак. 275,8 млн АҚШ доллари миқдоридаги лойиҳа Осиё тараққиёт банки ва Ўзбекистон реконструкция ва ривожланиш фондининг 110 млн долларлик кредитлари ҳамда “Ўзбекэнерго”нинг 55,8 млн доллар миқдоридаги ўз маблағи ҳисобидан молиялаштирилади. 

Умуман, 2020 йилгача Ўзбекистонда учта қуёш электр станцияси барпо этилиши керак. Уларнинг жами қуввати 300 МВтни ташкил этади. Самарқанддан ташқари, Сурхондарё ва Наманган вилоятларида ҳам шу каби станциялар қурилади. 

 

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 25015 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54984 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65364 Жамият
Бемор нега ўлим олдидан яхши кайфиятда бўлади?
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
25 август куни Ўзбекистонда ўзгарувчан об-ҳаво кузатилади
Хитой шимолида жуда йирик газ кони топилди
15:34 614 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 691 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 462 Жаҳон
Кўпроқ янгиликлар