Samsung компанияси CES-2017 кўргазмасида ўзининг янги Galaxy A3/A5/A7 смартфонларини тақдим этади. Улар январь ойининг ўрталарида сотувга чиқади. Бу ҳақида Roland Quandt инсайдери хабар берди. 

Эрондаги ёпиқ тақдимотда Samsung Galaxy A (2017) смартфонларининг янги қатори намойиш этилди. Янги смартфонлар флагман моделларнинг кўплаб функциялари ва имкониятларини ўзлаштирган. Телефонлар Always On Display технологиясини қўллаб-қувватлайди - қурилма блокланган ҳолатида унинг экранида вақт ва хабарлар акс этади. Улар шунингдек IP68 стандарти бўйича сувдан ҳимояланган ва USB Type-C портига эга. 

Galaxy A3, A5 ва A7 қурилмаларининг аккумулятор сиғими 3000, 3300 ва 3500 мАч. Бундан ташқари, "тўнғич" моделларнинг камералари 16 мегапикселли эканлиги ҳам маълум қилинди. Телефонларнинг қолган хусусиятлари ошкор этилмади. 

Инсайдер маълумотларига кўра, смартфонлар Ғарбий Европада январь ойининг ўрталарида сотувга чиқади. Galaxy A3 нархи - 350 евро, Galaxy A5 нархи — 450 евро. "Тўнғич" A7 моделининг баҳоси ҳозирча номаълум.