Shavkat Mirziyoyev O‘zbekiston Prezidenti lavozimiga kirishganidan keyin birinchi qonunni imzoladi

Shavkat Mirziyoyev prokuratura organlari xodimlari kuni to‘g‘risidagi qonunni imzoladi.

Davlat rahbari tomonidan 19 dekabr kuni imzolangan «O‘zbekiston Respublikasi prokuratura organlari xodimlari kunini belgilash to‘g‘risida»gi qonun matni 20 dekabr kuni «Narodnoye slovo» va «Xalq so‘zi» gazetalarida e'lon qilingan.

6 dekabr kuni O‘zbekiston Oliy Majlisi Qonunchilik palatasining navbatdagi majlisida deputatlar tomonidan «O‘zbekiston Respublikasi prokuratura organlari xodimlari kunini belgilash to‘g‘risida»gi qonun loyihasi muhokama qilingandi.

Hujjat Oliy Majlis Senati tomonidan 13 dekabr kuni tasdiqlandi.

Prokuratura organlari xodimlari kuni 8 yanvarda nishonlanadi — 1992 yil 8 yanvar kuni «O‘zbekiston Respublikasi prokuraturasi organlari to‘g‘risida»gi O‘zbekiston Respublikasi Prezidentining farmoni qabul qilingan.

Sentyabr oyida Shavkat Mirziyoyev O‘zbekiston prezidenti vazifasini bajaruvchi sifatida bir qator qonunlarni imzolagandi.