Туркия ташқи ишлар вазири Мавлут Чавушўғлининг баёнот беришича, Суриянинг Ҳалаб шаҳридан 37 мингдан ортиқ одам эвакуация қилинган, деб хабар қилмоқда Reuters агентлиги.

«Бугунги кунга келиб, Ҳалабдан 37 500 киши кўчирилди. Асосий мақсад, эвакуация ишларини 21 декабргача якунлаш», — деган Чавушўғли. 

Ўз навбатида, Халқаро Қизил хоч жамиятининг маълум қилишича, Ҳалабда эвакуация ишлари бошланган 15 декабрдан буён шаҳарнинг шарқий туманларидан 25 минг киши кўчирилган.