АҚШ Японияга ерларини қайтариб беради

Жаҳон 21 Декабрь 2016 15914
Фото: AP

АҚШ Япониянинг энг жанубий префектураси Окинава маъмуриятига шу номдаги оролнинг бир қисмини қайтариб беришга тайёр эканлигини маълум қилди. У ерда америка ҳарбий объектлари жойлашган. Окинавадаги америка контингентининг расмий баёнотига кўра, бунга керакли бўлган барча жараён якунига етказилган.

"Окинавадаги машғулотлар полигонини қисқартириш бизнинг Япония ҳукумати ва ўзини-ўзи мудофаа қилиш кучлари билан ҳамкорликда иш олиб боришимизга таъсир кўрсатмайди", - дея АҚШнинг Окинавадаги контингенти қўмондони Лоуренс Николсоннинг сўзларини келтиради Kyodo агентлиги. Унинг таъкидлашича, АҚШ келажакда Японияга ҳарбий базаларни жойлаштиришга мўлжалланган ерларни қайтариб бериш сиёсатини давом эттиради.

Маълумотларга кўра, қайтариладиган ҳудудлар Кунигами ва Хигаси қишлоқлари орасидаги тўрт минг гектарлик ердан иборат. Бу жойлар умумий майдони 7,8 минг гектар бўлган шимолий машғулот полигони таркибига киради.

Ҳудудларни қайтариш ҳақидаги битим 1996 йилда имзоланган, бироқ 2002 йилда уни амалга ошириш жараёни номаълум муддатга қолдирилди. Ҳужжатга кўра, Япония шимолий машғулот полигонида АҚШ қуролли кучларига мўлжалланган олтита вертолёт майдончаларини қуриб бериши керак. Айни дамда эса улардан фақат иккитаси тайёр, қолган объектларни қуриш кейинги йилнинг ёзидан бошланади.

Маълумот учун, Окинава ороли устидан назорат АҚШга Икки жаҳон урушидан сўнг ўтган. Япония 1972 йилда Окинавани қайтарди, бироқ бу жанубий орол АҚШнинг шарқий Осиёдаги ҳарбий амалиётга тайёргарлик кўриладиган майдони бўлиб қолаверди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36305 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 76200 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11692 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142470 Жамият
Мирзо Улуғбек туманида маъмурий назорат қоидаларини бузган шахс қўлга олинди
10:46 158 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 134 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 2127 Жаҳон
Абитуриент ҳикояси: “Мен ўқув маркази томонидан алдандим”
10:34 1504 Lifestyle
Швециялик яҳудий Фаластинга пиёда жўнади
10:19 686 Жамият
Чимёнда қидирув-қутқарув ишлари олиб борилди
10:12 1454 Жамият
Кўпроқ янгиликлар