Ҳасанбой Дўсматов "Йилнинг энг яхши боксчиси" соврини билан тақдирланди

Спорт 21 Декабрь 2016 20859

Ўзбекистонлик боксчи, XXXI ёзги Олимпия ўйинларининг олтин медаль соҳиби Ҳасанбой Дўсматов Халқаро ҳаваскор боксчилар ассоциацияси (AIBA) томонидан "Йилнинг энг яхши боксчиси" деб топилди.

Йилнинг энг яхши боксчисини аниқлаш мақсадида AIBA томонидан ўтказилган сўровномада Ҳасанбой Дўсматов энг кўп овоз тўплаб, кубалик Робейси Рамирес ва қозоғистонлик Дониёр Елеусиновни катта фарқ билан ортда қолдирди. 

Швейцариянинг Лозанна шаҳрида Халқаро ҳаваскор боксчилар ассоциацияси Ижроия қўмитаси йиғилиши ва AIBAнинг 70 йиллиги муносабати билан бўлиб ўтган тантанали маросимда Ҳасанбой Дўсматовга 2016 йил якунларига кўра "Йилнинг энг яхши боксчиси" соврини топширилди.

Бразилиянинг Рио-де-Жанейро шаҳрида ўтказилган XXXI ёзги Олимпия ўйинларида ўзбекистонлик боксчилар 3 олтин, 2 кумуш, 2 бронза медални қўлга киритган эди. 

Ҳасанбой Дўсматов вазни 49 килограммгача бўлган чарм қўлқоп усталари ўртасидаги беллашувларда Ўзбекистон спорт делегацияси ҳисобига дастлабки олтин медални келтирган эди. Ҳасанбой Дўсматов Олимпиаданинг энг яхши боксчиси сифатида Вэл Баркер кубоги билан ҳам тақдирланган илк ўзбек боксчи бўлди. 

Шунингдек, тадбирда AIBA ижроия қўмитаси аъзоси, Осиё бокс конфедерацияси вице-президенти, Ўзбекистон бокс федерацияси раисининг биринчи ўринбосари Шерзод Ташматов AIBA WSB йўналиши бўйича йилнинг энг яхши жамоа мукофотини "Cuba Domadores"га топширди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7756 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8611 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51040 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3077 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3667 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 932 Жамият
Ўзбекистон ТИВ раҳбари Ҳиндистоннинг таҳлилий марказлари вакиллари билан учрашди
Кўпроқ янгиликлар