Исроил ва Куба раҳбарлари Шавкат Мирзиёевни табриклади

Ўзбекистон 21 Декабрь 2016 7111

4 декабрь куни бўлиб ўтган сайловда Шавкат Мирзиёев Ўзбекистон Республикаси Президенти этиб сайлангани муносабати билан хорижий давлатлар ва ҳукуматлар, халқаро ташкилотлар раҳбарлари, хорижий мамлакатларнинг таниқли жамоат арбобларидан самимий тилаклар билдирилган қутловлар келмоқда. Бу ҳақда ЎзА хабар берди.

Ўзбекистон Республикаси Президенти

Шавкат Мирзиёев Жаноби Олийларига

Ассалому алайкум ва раҳматуллоҳу ва барокатуҳу

Жаноби Олийлари!

Сиз, Жаноби Олийларига Ўзбекистон Республикаси Президенти этиб сайланганингиз билан самимий табрикларимни йўллашдан беҳад мамнунман.

Сизга шу муносабат билан ўз номимдан, Иордания Ҳошимийлар Подшоҳлиги халқи ва ҳукумати номидан энг эзгу тилакларимни билдираман. Мамлакатларимиз ва халқларимизнинг умумий манфаати йўлида давлатларимиз ўртасидаги муносабатлар ва ҳамкорликни ривожлантириш, шунингдек, ислом ҳамжамиятига хизмат қилиш ва бутун дунёда хавфсизлик ва барқарорликни мустаҳкамлашга тайёр эканимизни тасдиқлайман.

Жаноби Олийлари, Сизга мустаҳкам сиҳат-саломатлик, Ўзбекистон халқига улкан муваффақиятлар ва фаровонлик тилайман.

Абдуллоҳ II бин ал-Ҳусайн,

Иордания Подшоҳи

Ўзбекистон Республикаси Президенти

Шавкат Мирзиёев Жаноби Олийларига

Ассалому алайкум ва раҳматуллоҳу ва барокатуҳу

Жаноби Олийлари!

Сизга Ўзбекистон Республикаси Президенти лавозимига киришганингиз муносабати билан ўзимнинг самимий табрикларимни йўллаш менга беҳад мамнуният бағишлайди.

Сизга масъулиятли фаолиятингизда улкан муваффақиятлар тилайман, келажакда дўстлигимиз ва ҳамкорлигимиз янада мустаҳкамланишига умид қиламан.

Эзгу тилаклар билан,

Ҳожи Ҳассанал Болкияҳ,

Бруней Доруссалом Султони

Ўзбекистон Республикаси Президенти

Шавкат Мирзиёев Жаноби Олийларига

Жаноби Олийлари!

Сизни яқинда бўлиб ўтган Ўзбекистон Республикаси Президенти сайловида ишончли ғалаба қозонганингиз ва Президент этиб сайланганингиз муносабати билан самимий табрикларимни қабул қилгайсиз.

Ишончим комилки, Ўзбекистон халқи ўз хоҳиш-истагини билдиргани Сизнинг ислоҳотлар изчиллигини таъминлаш, ривожланган иқтисодиёт принципларини давом эттириш ва Ўзбекистон халқи фаровонлигини янада юксалтиришга қаратилган фаолиятингизни кенг қўллаб-қувватлаганидан далолатдир.

Сизнинг фаолиятингиз давомида Молдова Республикаси билан Ўзбекистон Республикаси ўртасидаги ҳамкорлик мамлакатларимиз фаровонлиги йўлида ҳар томонлама ривожланишига аминман.

Сизга масъулиятли фаолиятингизда улкан ютуқ ва муваффақиятлар, Ўзбекистон халқига тинчлик ва фаровонлик тилайман.

Жаноби Олийлари, Сизга бўлган юксак ҳурматимни қабул қилгайсиз.

Николае Тимофти,

Молдова Республикаси Президенти

Ўзбекистон Республикаси Президенти

Шавкат Мирзиёев Жаноби Олийларига

Муҳтарам жаноб Президент!

Сизни Ўзбекистон Республикаси Президенти этиб сайланганингиз билан Исроил ҳукумати номидан муборакбод этишга ижозат бергайсиз. Сизга мамлакатингизни тараққиёт ва фаровонлик йўлида янада ривожлантиришда улкан муваффақиятлар тилайман.

Исроил ва Ўзбекистон ўртасидаги алоқалар бундан буён ҳам ривожланишига ишонаман. Сизни ўзингизга қулай вақтда Исроилга ташриф билан келишга таклиф этаман. Ташрифингиз давомида Қуддус шаҳрида Сизни қутлаш ва мамлакатларимиз ўртасидаги дўстлик муносабатлари ҳамда ҳамкорликни ривожлантириш истиқболларини муҳокама қилиш менга мамнуният бағишлайди.

Ҳурмат билан,

Биньямин Нетаньяху,

Исроил Давлати Бош вазири

Ўзбекистон Республикаси Президенти

Шавкат Мирзиёев Жаноби Олийларига

Жаноб Президент!

Сизни Ўзбекистон Республикаси Президенти этиб сайланганингиз билан чин дилдан самимий табриклашга рухсат бергайсиз.

Сизга бўлган юксак ҳурмат ва эҳтиромимни қабул қилгайсиз.

Рауль Кастро Рус,

Куба Республикаси Давлат Кенгаши

ва Вазирлар Кенгашининг Раиси

Шунингдек, қуйидагилар ўз қутловларини йўллаган:

Иордания Ҳошимийлар Подшоҳлиги Бош вазири, мудофаа вазири — Хани ал-Мулки

Европарламент депутати, «Европа Иттифоқи – Ўзбекистон» парламент ҳамкорлиги бўйича делегация раҳбари ўринбосари — Ульрике Мюллер

«Эйрбас Хеликоптерс» компаниясининг катта вице-президенти, Европа бўйича раҳбари — Оливьер Мишалон

Япония Демократик партияси президенти, Парламент маслаҳатчилар палатаси депутати — Ренхо

«Комейто» партияси президенти (Япония) — Нацуо Ямагучи

НЕК корпорацияси директорлар кенгаши раиси — Нобухиро Эндо

«Инжиниринг Доберсек» компанияси бош директори — Инг Альбин Доберсек

Швейцариянинг «Юрейжа хат» тиббиёт фонди президенти — Пауль Фогт

«Амкодор» холдинги директорлар кенгаши раиси — Александр Шакутин

Қутловлар келиши давом этмоқда.

Кун янгиликлари
Opal English ўқувчилари IELTS имтиҳонидан 7-8 балл олишди
14:04 / 29.03.2017 7885 Жамият
Оролни қутқариш мумкин: ўзбек олими бунинг лойиҳасини тақдим этди
09:25 / 28.03.2017 38415 Ўзбекистон
Милицияга «Самарқанд дарвоза»га бомба қўйилгани ҳақида ёлғон хабар берилди
20:59 2786 Жамият
Ходорковский ҳаракати Россия президентига қарши акция ўтказмоқчи
20:49 1263 Жаҳон
МПА Тошкент шаҳар бўлими ногирон ўсмирларни волейбол жамоасига таклиф қилади
20:45 229 Спорт
Cadillac 4 йил ичида 8 та янги модел ишлаб чиқармоқчи
ЖЧ-2026’да конфедерацияларга нечтадан ўрин ажратилиши расман маълум қилинди
20:25 2485 Спорт
Катта миқдорда "сунъий қон" олиш усули ишлаб чиқилди
20:09 1263 Жамият
Камералар қайд этган қоидабузарликлар ва жарималар ҳақида интернет орқали билиш мумкин бўлади
Туркия АҚШдан Гуленни вақтинчалик ҳибсга олишини кутмоқда
19:56 1282 Жаҳон
Кўпроқ янгиликлар