Нурсултон Назарбоев ва собиқ СССР таркибига кирувчи 11 мустақил давлат раҳбарлари иштирокидаги архив видеоси ижтимоий тармоқларда тарқалди. Видео Оқ ўрданинг Facebook'даги расмий саҳифасида тақдим этилди. 

1991 йилнинг 21 декабрида Қозоғистон раҳбари Нурсултон Назарбоевнинг ташаббуси билан Олмаота шаҳрида собиқ СССР давлатлари раҳбарлари учрашишди. 

Учрашув якунларига кўра, Мустақил давлатлар ҳамдўстлиги (МДҲ) тузишга доир протокол, Олмаота декларацияси, МДҲ  мувофиқлаштирувчи институтлар ҳақидаги битим, мустақил давлатлар раҳбарлари келишувига оид протокол, МДҲ давлат раҳбарлари кенгаши қарори имзоланган.