Ўзбекистон Президенти Шавкат Мирзиёевнинг виртуал қабулхонаси очилиши ҳақидаги хабар ҳозирча тасдиқланмади.

Манбаларнинг маълум қилишича, бугун Интерконтенентал меҳмонхонасида ташкил этилган тадбирда бундай дейилмаган.

Тадбирни олиб борган таниқли журналист, блогер, сиёсатшунос, Ўзбекистон Миллий университети доценти Шерзод Қудратхўжаев президент ташкилотларда виртуал қабулхоналар очилаётгани президент томонидан қўллаб-қувватланиши ҳақида гапирган. Унинг бу мавзудаги сўзлари эса тадбирда иштирок этган журналистлар томонидан бошқача талқин этилган.

Хусусан, маҳаллий нашрлардан бири яқин кунларда Ўзбекистон Республикаси Президентининг виртуал қабулхонаси очилиши ҳақида ёзди.