«Манчестер Юнайтед» 2017 йилдаги иккита трансферлар мавсуми вақтида  янги футболчиларни таркибга қўшиб олиш учун 180 млн фунт (тахминан 213 млн евро) сарфлашни режалаштирган. Бу ҳақда The Telegraph хабар тарқатди.

Инглиз клубининг кейинги йилдаги асосий нишонлари «Атлетико» ҳужумчиси Антуан Гризманн, «Бенфика» ҳимоячилари Виктор Линделоф ва Нелсон Семеду, шунингдек, «Монако» ярим ҳимоячиси Тьемуа Бакайоко бўлади.

Нашр маълумотига кўра, Гризманн, Бакайоко ва Семедуни «МЮ» қишки трансферлар вақтида харид қилмоқчи, швед ҳимоячиси Линделоф эса январдаёқ Манчестерга келиши кутилмоқда.

Гризманннинг трансфер нархи 84 миллион фунт, клуб Семедуга 25 миллион, Бакайокога эса 35 миллион фунт тўлаши мумкин.