Европа Иттифоқи давлатларининг миллий полиция хизматларини мувофиқлаштирувчи Европол Франция, Германия, Бельгия ва Шимолий Европа давлатларида Рождество байрамлари вақтида терактлар содир этилиши мумкинлигидан огоҳлантирган. РИА Новости Греция ҳуқуқ-тартибот органларидаги манбасига асосланиб хабар берилишича, тегишли давлатларнинг махсус хизматларига тегишли огоҳлантиришлар йўлланган.

«Декабрь ойи бошидаёқ шундай огоҳлантиришлар юборилиши бошланган. Франция, Берлин, Брюссель, Шимолий Европа давлатлари пойтахтлари рўйхатда бор. Европол эҳтимолий терактлар Рождество ва Янги йил байрамлари кунларида терактлар рўй бериши мумкинлигини билдирган», — дея манбанинг сўзлари келтирилган хабарда.

Аниқлик киритилишича, Берлиндаги теракт юз беришидан олдиноқ Германия шундай огоҳлантирувни олганди.

19 декабрь куни Берлинда юк машинаси Рождество ярмаркасида йиғилган кишилар устига бостириб бориши орқали теракт содир этилди ва 12 киши ҳалок бўлиб, 50дан ортиқ киши жароҳатланди. Теракт ижрочиси ҳали ушланмади.