Qoʻshimcha funksionallar
-
Tungi ko‘rinish
Hindiston bosh vaziri muxolifat tomondan ayblanmoqda
Foto: Reuters
Hindistonning "Hind milliy kongressi" muxolif partiyasi yetakchisi Raxul Gandi Hindiston bosh vaziri Narendra Modini Gujorot shtati vaziri bo‘lganda pora olganlikda ayblamoqda. Bu haqda Times of India nashri yozmoqda.
Gandi Modi Sahara Group kompaniyasidan bir necha marotaba "otkat"lar olganini aytdi. Uning aytishicha, Modining poralar olgani haqidagi yozuvlar Hindiston soliq departamenti ixtiyorida mavjud. Departament Modi tomondan korrupsiyaga yo‘l qo‘yilganini tasdiqlovchi bu hujjatlarni 2014 yilda Sahara Group va Aditya Birla Group kompaniyalarida tekshiruvlar o‘tkazganda qo‘lga kiritgan.
Biroq Gandining aytishicha, ular Modiga nisbatan hech qanday choralar ko‘rishmayapti. Muxolif partiya yetakchisi mustaqil tergov o‘tkazishni talab qilmoqda.
Modi a'zo bo‘lgan Hind milliy partiyasida Gandi saylovlarda yutqazgandan keyin asossiz gaplar aytmoqda, degan fikrga kelingan.
Dekabrda Modi AQShning Time jurnali talqiniga ko‘ra "Yil odami" deb topilgandi.
Mavzuga oid
18:07 / 24.12.2024
Hindiston 2040 yilda Oyga o‘z kosmonavtini uchiradi
23:25 / 23.12.2024
Bangladesh Hindistondan sobiq bosh vazir Shayx Hasinani ekstraditsiya qilishga yordam berishni so‘ramoqda
11:42 / 18.12.2024
O‘zbekiston va Hindiston zargarlik buyumlari ishlab chiqarish imkonini o‘rganmoqda
20:02 / 17.12.2024