Нигерия божхона хизмати Лагос шаҳрида бир тадбиркордан сотиш учун мўлжалланган 2,5 тонна "пластмасса гуручлар"ни мусодара қилди, деб хабар бермоқда хорижий ОАВ.

Божхона хизмати раҳбари Харуна Мамудунинг айитишича, бу "сохта маҳсулот" мамлакат бозорларида байрамлар вақтида сотилиш учун мўлжалланган бўлган.

Унинг таъкидлашича, сохта гуруч қайнатилгандан кейин ёпишқоқ бўлиб қолган ва агар уни одамлар истеъмол қилганда нима бўлиши мумкинлиги ҳеч кимга аён эмас. 

Божхоначилар бу гуруч қаерда ишлаб чиқарилганини билишмаслигини, бироқ шундай ҳодиса ҳақида 2015 йилда Хитойда маълум қилинганини таъкидлаб ўтдилар.

Таъкидланишича, гуруч Нигерияда энг машҳур озиқ-овқат маҳсулотларидан бири ҳисобланади.