Ҳар йилнинг баҳорида ўн кунлаб концерт беришни анъанага айлантирган Ўзбекистон халқ артисти Озодбек Назарбеков 2017 йилнинг апрелида бу анъанани давом эттирмайди.

Ушбу хонанда ишдан толиққани ва таътил режалаштиргани туфайли нафақат апрель ойида, балки бутун йил давомида ҳам катта саҳналарда чиқиш қилмаслиги, катта танаффус қилиши мумкин.

Озодбек Назарбековнинг вакиллари эса бу ҳақида аниқ маълумот бера олмади.

Манбанинг билдиришича, апрель ойида 15 кун давомида шу йилнинг декабрида Ўзбекистондаги саҳналарга қайтган Ўзбекистон халқ артисти Юлдуз Усмонова концерт бериши режалаштирилган.

Шунингдек, “Истиқлол” санъат саройидаги манба берган маълумотга кўра, Озодбек Назарбеков 2017 йилда яккахон концерт дастури беришни режалаштирмаган, бироқ хонанда ижод қилишни тўхтатмайди ва давлат тадбирларида иштирок этади.

Эслатиб ўтиш жоиз, Юлдуз Усмонова 2005 йилгача ҳар йили апрелда кўпкунлик концерт берарди. Кейинчалик бу ўрин Озодбек Назарбековга ўтганди.

Юлдуз Усмонова катта саҳналарга қайтмоқда