09:24 / 22.12.2016
20514

Shavkat Mirziyoyevni Quddus shahriga taklif etishdi

Foto: Google image

Isroil bosh vaziri Binyamin Netanyaxu O‘zbekiston Prezidenti Shavkat Mirziyoyevni Isroilga tashrif bilan kelishga taklif etdi. Bu haqda u O‘zbekiston Prezidentiga yo‘llagan qutlov maktubida ma'lum qilgan. Maktub matni O‘zA tomonidan taqdim etildi.

“Sizni O‘zbekiston Respublikasi Prezidenti etib saylanganingiz bilan Isroil hukumati nomidan muborakbod etishga ijozat bergaysiz. Sizga mamlakatingizni taraqqiyot va farovonlik yo‘lida yanada rivojlantirishda ulkan muvaffaqiyatlar tilayman”, - deya ta'kidlab o‘tgan Netanyaxu. 

“Isroil va O‘zbekiston o‘rtasidagi aloqalar bundan buyon ham rivojlanishiga ishonaman. Sizni o‘zingizga qulay vaqtda Isroilga tashrif bilan kelishga taklif etaman. Tashrifingiz davomida Quddus shahrida Sizni qutlash va mamlakatlarimiz o‘rtasidagi do‘stlik munosabatlari hamda hamkorlikni rivojlantirish istiqbollarini muhokama qilish menga mamnuniyat bag‘ishlaydi”, - deyiladi maktubda.
 

Mavzuga oid
Top