Франциянинг нефтгаз компанияси Total Бразилиядаги нефтгаз конларини ўзлаштиришда иштирок этишни режалаштираяпти. Шу мақсадда, Бразилия жануби-шарқий соҳилидаги Сантос ҳавзасида жойлашган конларда фаолият юритиш ҳуқуқини харид қилиш ниятида, деб ёзмоқда Folha de Sao Paulo нашри.

Қайд этилишича, яқин 60 кун ичида Бразилия давлат нефтгаз компанияси Petrobras билан имзоланиши кутилаётган шартнома қиймати 2,2 млрд долларни ташкил этади.

Нашр маълумотларига кўра, гап Йара ва Лапа нефтгаз конлари ҳақида бормоқда. Total бу ҳудудлар маҳсулотининг тегишли равишда 22,5 ва 35 фоизлик улушига эга бўлади. 

Нидерландия-Британия нефтгаз компанияси Royal Dutch Shell Бразилиядаги нефтгаз лойиҳаларига келаси 10 йилда 10 млрд доллар сармоя киритишни режалаштираётгани ҳақида ноябрь ойида хабар қилинган эди.