Япония императори 83 ёшга кирди

Жаҳон 23 Декабрь 2016 4730
Фото: AP

Япония императори Акихито бугун ўзининг 83-таваллуд кунини нишонламоқда. Мамлакатда 1989 йилдан бери шу кун миллий байрам сифатида нишонланади. Монарх барча японларга қўллаб-қувватлов учун миннатдорчилик билдириб, мажбуриятлари ва тахтни аста-секин 56 ёшли валиаҳд Нарухитога бериш ниятида эканини яна бир бор эслатиб ўтди.

Токиодаги император саройига эса рекорд сонли японлар ва хорижлик туристлар келишди. Улар императорни таваллуд куни билан табриклашни мақсад қилишган. Ташкилотчилар ҳисоб-китобига кўра, йиғилганлар сони 33 минг кишини ташкил этди. 

Анъанага кўра, у кишилар олдида бинолардан биридаги ойна билан ёпилган болохонали айвонда рафиқаси Митико ва бошқа оила аъзолари билан бирга пайдо бўлди. Йиғилганлар Япония байроғини ҳилпиратиб, "банзай" дея қичқиришган ҳамда императорга "10 минг йил умр" тилашди.

Императорнинг ўзи эса келганларга миннатдорчилик билдирди. Шунингдек, у Ниигата префектурасида рўй берган кучли ёнғин оқибатида жабрланганларга ҳамдардлик изоҳ этган ҳамда Таиланднинг вафот этган қироли ҳақида ҳам эслаб ўтди. 

Японияда бу кун дам олиш куни этиб белгиланган. Жорий йилдаги тадбирга эса эътибор айниқса кучли. Сабаби Акихито августда тахтдан кетиш ва уни ўзининг катта ўғли – 56 ёшли Нарухитога бериши ҳақида маълум қилганди. Айни дамда ҳукумат қошидаги махсус комиссия ушбу масалани кўриб чиқмоқда.

Гап шундаки, амалдаги қонунчиликка кўра, император тахтда ўлимига қадар қолиши керак. Бироқ, сўровлар натижасига кўра, японларнинг аксарияти Акихитонинг бундай қарорини тушуниш билан қабул қилишган.

Акихито 1933 йилнинг 23 декабрь куни таваллуд топган. У дунёдаги энг йирик монархия авлоди вакили саналади. Акихито 1952-1956 йилларда Токионинг Гакусюин университетидаги сиёсат ва иқтисодиёт факультетида таҳсил олган. У 1952 йилнинг 10 ноябрь куни тахт вориси сифатида эълон қилинган. Япониянинг 125-императорига эса 1989 йилнинг 7 январь куни, отасининг ўлимидан сўнг айланди. 
 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13455 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20738 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10375 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11207 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38331 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52245 Жамият
23 август куни об-ҳаво иссиқ ҳароратини сақлаб қолади
Атамбоев Қирғизистон бош вазири вазифасини бажарувчини тайинлади
14:25 192 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 873 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 637 Жаҳон
Кўпроқ янгиликлар