АҚШнинг янги президенти Дональд Трампнинг қизи Иванка Трампга самолётда бир йўловчи тажовуз қилди. Бу ҳақда АҚШнинг TMZ нашри хабар бермоқда. 

Воқеа Иванка Трамп JetBlue авиакомпанияси самолётида ўз фарзандлари билан ўриндиқларни эгаллаганда юз берган. Самолёт Нью-Йоркдаги Жон Кеннеди номидаги аэропортдан учишга шайланаётган бўлганда Трампнинг қизи ёнига бир эркак келиб уни ва фарзандларини ҳақоратлай бошлаган. Эркакнинг айтишича, Дональд Трамп ўз сиёсати билан АҚШга тузатиб бўлмайдиган зиён етказиши мумкин.

Таъкидланишича, эркак самолёт бортидан тушириб қолдирилган.