Жаҳон соғлиқни сақлаш ташкилоти (ЖССТ) 23 декабрь, жума куни Эбола вирусига қарши вакцинанинг тажриба синовлари тугаганлиги тўғрисида эълон қилди. Айтиш жоизки, синов натижалари 100 фоизли самарани намоён этди. Бу ҳақида ташкилотнинг расмий сайтида хабар берилди. 

"Ишончли натижалар Ғарбий Африкадаги эпидемия қурбонлари ҳаётини сақлаб қолишда ёрдам бера олмаса-да, улар вируснинг кейинги авж олишида ҳимояланган бўлишимиздан далолат беради", - дея ЖССТ раҳбар ўринбосари Мари-Поль Киенининг сўзлари келтирилади матбуот релизида. 

rVSV-ZEBOV номи остидаги вакцина синови 2015 йилда Гвинея Республикасида ўтказилди. Унда 11 минг нафардан ортиқ киши қатнашди. 5 837 нафар иштирокчидан  бирортаси ҳам вакциналанган кунидан бошлаб 10 кун ичида вирусни юқтирмади. Вакциналанмаган кишилар орасидан 23 нафарида Эбола вируси қайд этилди. 

Матбуот релизига кўра, вакцина ишлаб чиқарувчиси - MSD фармацевтик компанияси. 

ЖССТ маълумотларига кўра, 2014-2015 йилларда Ғарбий Африка мамлакатларида қайд этилган Эбола безгагига чалинганлар сони 11 мингдан ошди. Ўлим билан тугаган ҳолатлар Либерия, Сьерра-Леоне ва Гвинеяга тўғри келган.