22 декабрда Франциянинг Турувр шаҳрида қуёш батареялари билан қопланган дунёдаги биринчи автомобиль йўли фойдаланишга топширилди, деб хабар қилмоқда ТАСС агентлиги.

«Автомобиль йўллари юзасидан қуёш нурларини электр энергиясига айлантирувчи панелларни жойлаштириш учун фойдаланиш қишлоқ хўжалиги учун яроқли бўлган ерларни тежаш имконини беради», — деган мамлакат экология, барқарор тараққиёт ва энергетика вазири Сеголен Руаяль очилиш маросимида.

Давлатдан 5 миллион  евро миқдорида молиявий ёрдам олган лойиҳа 5 минг кишилик шаҳарни ёритиш учун зарур бўлган электр энергиясини ишлаб чиқа олади.