Канада ҳукумати юқори тезликдаги интернетни мамлакатнинг барча фуқаролари бирдек улана оладиган асосий алоқа хизмати сифатида эътироф этди. Шу пайтга қадар, бу кўрсаткич телефон алоқаси билан ўлчанар эди. 

22 декабрь куни Канаданинг CRTC бошқарувчиси юқори тезликдаги интернетни «асосий телекоммуникация хизмати» деб эълон қилиб, ҳукуматнинг ушбу тармоқни ривожлантириш мақсадларига доир ахборотларни маълум қилди. Унга кўра, ҳар бир фуқаро юқори тезликдаги интернетга улана олиши керак. 

CRTC баёнотида, шунингдек, юклаб олиш ва серверга юклаш тезликлари бўйича янги мақсадлар белгиланган. Оддий симли тармоқлар учун уланиш чегарасиз бўлиши лозим. уларда юклаб олиш тезлиги 50 Мбит/сонияни, серверга юклаш тезлиги эса 10 Мбит/сонияни ташкил этиши лозимлиги таъкидланган. Бу 2011 йилги белгиланган режадан 10 марта кўп. 

CRTC ҳисоб-китобларига кўра, 2 млнга яқин канадалик ёки аҳолининг 18 фоизи айни вақтда интернет тезлиги борасида белгиланган меъёрга улана олмаган. Мамлакат ҳукумати эса, ушбу муаммони ҳал этиш учун 750 миллион доллар сарф қилишни режалаштираяпти. CRTC 2021 йилгача канадаликларнинг 90 фоизи юқори тезликдаги интернетга уланиш имкониятига эга бўлишини кутмоқда.