Шавкат Мирзиёев Қозоғистон ТИВ раҳбарини қабул қилди

Ўзбекистон 23 Декабрь 2016 12039

23 декабрь куни Ўзбекистон Республикаси Президенти Шавкат Мирзиеёв, Ўзбекистонга амалий ташриф билан келган Қозоғистон Республикаси ташқи ишлар вазири Ерлан Идрисовни қабул қилди. Бу ҳақда, президент матбуот хизмати хабар қилмоқда

Давлат раҳбари меҳмонни илиқ кутиб олар экан, унинг шахсида Қозоғистон раҳбарияти ва қардош халқини Қозоғистон Республикаси мустақиллигининг 25 йиллиги билан самимий қутлади. 

Бугунги кундаги ишончли ва бой ўзбек-қозоқ мулоқоти икки давлат ва дўст халқларнинг узоқ муддатли манфаатларига жавоб бериши ҳамда чуқур тарихий илдизларга эгалиги ва икки томонлама ўзаро ҳамкорликнинг барча жабҳасида ривожланаётгани қайд этилди. 

Қозоғистон ТИВ раҳбари самимий қабул учун миннатдорчилик билдириб, Президент Нурсултон Назарбоевнинг Ўзбекистон Президенти ва халқига самимий қутловлари ва ҳурматини етказди. 

Ерлан Идрисов, шунингдек, Ўзбекистон Президентини президентлик сайловларидаги ишончли ғалабаси билан яна бир бор қутлади. 

Қабул чоғида қайд этилганидек, икки мамлакат яқин қўшни ва вақт синовидан ўтган ҳамкорлар сифатида хавфсизлик ва барқарорлик, барқарор иқтисодий, ижтимоий ва ўзаро ривожланишдан ҳамда умуман, Марказий Осиё минтақасининг тараққий этишидан манфаатдордир. 

Шу маънода Қозоғистоннинг БМТ Хавфсизлик кенгашининг 2017-2018 йиллардаги доимий бўлмаган аъзолари таркибига кириши ва бунинг Ўзбекистон томонидан қўллаб-қувватланиши, Марказий Осиё мамлакатлари манфаатларини глобал миқёсда илгари суриш бўйича янги имкониятлар эшигини очади. 

Мулоқот чоғида ўзбек-қозоқ алоқалари кун тартибида турган кенг қамровли масалалар, биринчи навбатда, савдо-иқтисодий, инвестиция, транспорт-коммуникация соҳалари бўйича фикр алмашилди. Хусусан, Ўзбекистон ва Қозоғистон минтақадаги йирик савдо ҳамкорлар сифатида бу борадаги муносабатларни янада чуқурлаштириш ва кенгайтириш, барча захиралардан фойдаланишга тайёрдир. 

Унда, шунингдек, долзарб халқаро ва минтақавий муаммолар юзасидан фикр алмашувлар бўлди. 

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар