Almazbek Atamboyev: Biz qirg‘iz-o‘zbek munosabatlarida yangi sahifa ochmoqdamiz

«Biz 20 yil muqaddam Toshkentda mamlakatlarimiz o‘rtasida abadiy do‘stlik shartnomasi imzolangan kunda uchrashib turganimiz ramziy ma'noga ega», - degan Qirg‘iziston davlat rahbari Almazbek Atamboyev Samarqand shahriga uyushtirgan amaliy tashrifi chog‘ida. 

«Ehtimol, qaysidir davrda bu haqda unutgandirmiz. Men o‘n yildan beri yaxshi biladiganim O‘zbekiston Prezidenti do‘stim va birodarim ekanidan xursandman. Bugun biz yubiley kunida yangi sahifa ochayapmiz. Va bu shartnoma shunchaki imzolangan sahifa bo‘lib qolmaydi. Sizning rahbarlikka kelishingiz bilan bu bitim umuman boshqacha tus oladi», - degan Qirg‘iziston Respublikasi rahbari.
 
«Sizni Bishkekda kutamiz», - deb qo‘shimcha qilgan Almazbek Atamboyev, o‘zbekistonlik hamkasbi Shavkat Mirziyoyevga murojaat qilar ekan.