Украиналик боксчи, оғир вазн тоифасидаги собиқ жаҳон чемпиони Владимир Кличко ўзининг энг кекса мухлиси билан учрашди. Фотосурат боксчининг Instagram’даги саҳифасида чоп этилган.

«Бу учрашув ҳар икки томоннинг Рождество тилаги эди. У менинг энг кекса мухлисим - 110 ёшли Смуда хоним» - дея ёзган Кличко.

Маълумот учун, 40 ёшли Кличко навбатдаги жангини британиялик Энтони Жошуага қарши ўтказади. Баҳс келаси йилнинг 27 апрель куни Лондондаги «Уэмбли» стадионида ўтказилиши режалаштирилган. Унда Жошуа эгалик қилаётган Халқаро бокс федерацияси (IBF) йўналиши бўйича жаҳон чемпионлик камари ва WBA суперчемпиони бўйича очиқ турган камар учун ғолиб номи аниқланади.