АҚШнинг сайланган президенти Дональд Трамп ўз номидаги Trump Foundation жамғармасини ёпиши истагини билдирди ва рад жавобини олди.

Нью-Йорк бош прокурори матбуот котиби Эми Спиталникнинг маълум қилишича, айни вақтда ушбу жамғармага нисбатан текширув олиб борилмоқда ва бу жамғармани тарқатиб юбориш иложсиз иш. Текширув тугайдиган муддат ошкор этилмаган.

«Жамғарма ҳамон тергов остида ва у якунланмагунича, ёпилмайди», — деди Спиталник.

АҚШнинг сайланган президенти ўз номи остидаги хайрия жамғармасининг ёпилишини ўзининг президентлик муддати чоғида манфаатлар тўқнашуви эҳтимоли билан изоҳлаганди.

Trump Foundation 1988 йилда ташкил этилган. Қайд этилишича, бу жамғарма бир неча марта сиёсий манфаатлар йўлида қилинган эҳсонлар туфайли жаримага тортилган.

Тергов жамғармани 2016 йил сентябридан буён текширмоқда. Октябрда Нью-Йорк бош прокурори Жона Шнайдерман Трампнинг жамғармасидан хайрияларни қабул қилишни тўхтатишни сўраганди. У ташкилот штат маъмуриятида рўйхатдан ўтмагани ва шу тариқа қонунни бузаётганини айтганди.