Босния пойтахтида давлат рақами жуфт ва тоқ сонга туговчи автомобиллар навбатма-навбат ҳаракатланадиган бўлди

Жамият 25 Декабрь 2016 8233
Фото: Google image

Сўнгги пайтларда Босния пойтахти Сараевода ҳаддан зиёд ифлосланган ҳаво кузатилди. Бу фавқулодда вазиятлар қўмитасининг йўлларда ҳаракатланувчи автомобиллар сонини чеклашига сабаб бўлди. Бу ҳақида Daily Sabah нашрида хабар берилди. 

25 декабрь, якшанба куни кўчаларда давлат рақами фақат жуфт сонга туговчи автомобиль эгалари ҳаракатланишига рухсат берилди. Шаҳардаги фавқулодда вазиятга барҳам берилгунга қадар давлат рақами жуфт ва тоқ сонга туговчи автомобиллар кўчаларда навбатма-навбат ҳаракатланишади. 

Чуқур водийда жойлашган, тўрт томондан баланд тоғлар билан ўралган, 520 000 нафар аҳоли яшовчи Сараево шаҳри туман, смог ва чанг-тўзонга мойил. 

Декабрь ойи бошидан кўрилган чора-тадбирларга қарамай, Босния пойтахтидаги вазият ёмонлашган. 

Манбага кўра, шанба куни кундузи ҳаводаги заррачалар концентрацияси меъёрдан 11 карра кўп эканлиги аниқланган. 

Метеорологлар яқин кунларда об-ҳаво шароити вазиятга янада мураккаб тус беришини тахмин қилишмоқда. 

 

Кўпроқ янгиликлар