Франциянинг L’Equipe газетаси футболдаги энг кўп маош олувчи мураббийлар рейтингини тузиб чиқди.

Рўйхатни Луис Энрике («Барселона») бошқариб бормоқда. У ойига 1,56 миллион евро маош олади. Бунда унинг пуллари солиқлардан ташқари ҳисобланади.

Кучли учликка, шунингдек, Хосеп Гвардиола («Манчестер Сити», 1,48 млн) ва Жозе Моуриньо («Манчестер Юнайтед», 1,36 млн) кирган.

Кучли бешликни «Бавария» ва «Арсенал» устозлари тўлдирган. Карло Анчелотти Бундеслига клубида 1 миллион евро маош олади. Венгернинг Лондон клубидаги ойлиги эса 820 минг еврога тенг.

«Реал» бош мураббийи Зайнидин Зидан ойига 449 минг евролик маош билан 9-ўринда жойлашган.

Ўнликдан, Диего Симеоне (770 минг), Юрген Клопп (692 минг), Антонио Конте (641 минг) ва Унай Эмери (420 минг) жой олган.

«Ювентус» Массимилиано Аллегрига 415 минг (11), «Боруссия Дортмунд» эса Томас Тухелга 340 минг евро (12) тўлаши аниқланган.