«Ливерпуль» жамоаси бош мураббийи Юрген Клопп жамоанинг чемпионлик учун имкониятлари ҳақидаги саволга жавоб қайтарди.

У мерсисайдликларнинг узоқ вақтдан буён чемпионликни қўлга кирита олмаётганига урғу қаратган. Германиялик мутахассиснинг фикрича, ушбу мавсумда жамоа АПЛ чемпиони бўлиш учун яхши имкониятга эга.

«Ҳа, «Ливерпуль» 1990 йилдан бери чемпион бўла олмаяпти. Лекин ҳозир жамоада янги авлод шаклланди. Биз кейинги 25 йилдаги жамоа эмасмиз.

Аввалги ўйинчилар қила олмаган ишни қилишга уринишимиз керак эмас, биз ўз ишимизни бажаришимиз керак. Келинг, жамоани чемпионга айлантирамиз. Биз етарлича яхшимиз, клуб етарлича буюк. Бизда тўғри йўлдан бораётган хўжайинлар бор. 

«Ливерпуль» хўжайинлари жамоа етакчиларини ушлаб қолишга уриниб, тўғри қилишмоқда. Футболчилар пул туфайли бошқа клубга ўтиб кетишмайди. Ҳа, биз дунёдаги энг кўп маошларни тўлайдиган клуб эмасмиз. Шу билан бирга футболчини олиб қолиш учун етарли пулга эгамиз ҳам

Бу имкониятдан фойдаланишимиз керак. Жамоада ҳақиқатдан ҳам ёрқин келажак бор. Муаммо шундаки, бизда бошқа бир неча кучли жамоа ҳам бор. АПЛда чемпион бўлиш учун яхши ўйнашнинг ўзигина етарли эмас, омад керак. Жароҳатлар бўлмаслиги керак», – дея Клоппнинг сўзларини келтирган Sky Sports.