Юлиан Дракслер «Вольфсбург» футбол клубини расман тарк этди. У «ПСЖ» билан 4,5 йиллик шартномага имзо чеккан. Бу ҳақда «бўрилар» сайти хабар берди. Трансфер қиймати маълум қилинмаган.

«Биз Дракслер, унинг вакиллари ва «ПСЖ» раҳбарияти билан сўнгги бир неча кун давомида музокаралар олиб бордик. Натижада барча томонлар учун жуда ҳам яхши келишувга эришилди», - дея айтиб ўтди немис клубининг спорт директори Олаф Ребе.

Маълумот учун, футболчи «Вольфсбург»да 2015 йилдан бошлаб тўп сурган ҳамда 34 учрашувда 5 гол уришга муваффақ бўлди.