2020 йилгача Шимолий Корея АҚШгача учиб бора оладиган баллистик ракеталар яратиши мумкин. Жанубий Корея миллий хавфсизлик стратегияси институти мутахассислари шундай хулосага келишган, деб хабар бермоқда "Рёнхап" ахборот агентлиги.    

Мутахассисларнинг тахминича, Шимолий Корея 2020 йилгача АҚШ ҳудудигача етиб бора оладиган қитъалараро баллистик ракета яратади. Таъкидланишича, охирги вақтда Шимолий Кореяда ядровий жанговар каллаклар сони анча ошган.  

"Шимолий Корея ядровий дастурининг жиддийлиги ядровий жанговар каллаклар сони тезлик билан ошганида ҳамда уларнинг ўлчами кичрайиши ва турфалигидан иборат. Шимолий Корея, кўринишича, 4- ва 5-синовлар давомида ядровий қуролни кучайтириш билан бирга ядровий жанговар каллакларни яратишга муваффақ бўлган", дейилган ҳисоботда. 

Ҳужжатда айтилишича, 5-синовда заряднинг кучи тротил эквивалентида 10-20 килотоннани ташкил қилган, ваҳоланки 4-синовда бу кўрсаткич 7,9 килотонна бўлган.

Шимолий Корея ракеталар учиришда кўпинча муваффақиятсизликка учрашига қарамасдан, у бу муаммоларни ҳал қила олади ҳамда сув ости кемаларидан баллистик ракеталарни муваффақиятли учира олади. Мутахассисларнинг фикрича, бу вақт масаласидир. Бунда АҚШнинг нафақат Шимолий Кореядаги, балки Япониядаги базалари ҳам хавф остида қолади.