Жанубий Корея кўчаларига мамлакат президенти Пак Кин Хега қарши навбатдаги норозилик намойишига 250 мингга яқин одам чиқди, деб хабар бермоқда Рёнхап ахборот агентлиги. 

Ахборот агентлигининг таъкидлашича, кореяликлар кетма-кет 9-шанба президентга қарши норозилик уюштирмоқдалар. Улар конституцион суддан президентнинг импичменти бўйича иложи борича тезроқ қарор чиқаришни талаб қилишмоқда. Намойиш кўнгилсизликларсиз ўтган.

Жанубий Корея президенти дугонаси Цой Сун Силь билан боғлиқ коррупцион можарога алоқадорликда гумон қилинмоқда.

9 декабрда Пак Кин Хега импичмент эълон қилингандан кейин президент вазифасини бажарувчи шахс мамлакат бош вазири  Хван Гё Ан бўлди. Мамлакат конституцион суди ярим йил ичида парламентнинг президентнинг ҳокимиятдан четлатилиши қарори қанчалик қонуний эканлигини кўриб чиқиши керак. Агар қарор кучда қолса, унда икки ой ичида президент сайловлари белгиланиши лозим.