Янги йил арафасида Беларуснинг "Стартфрукт" компанияси вакиллари Беларуснинг Ўзбекистондаги элчихонаси ва "Ўзагроэкспорт" АЖ кўмагида Ўзбекистон вилоятларига республикада етиштириладиган ерёнғоқ сифатини баҳолаш, потенциал етказиб берувчилар билан танишиш учун ташриф буюрдилар. 

Жумладан, меҳмонлар Сурхондарё, Қашқадарё ва Наманган вилоятларидаги фермер хўжаликлари ва тақсимловчи марказлар фаолияти билан танишдилар ва ўзбекистонлик ерёнғоқ етиштирувчилар билан узоқ муддатли истиқболли ҳамкорлик қилишга тайёрликларини билдирдилар.

"Стартфрукт" ва "Ўзагроэкспорт" ўзаро музокаралар натижаларига кўра, Ўзбекистондан Беларусга ерёнғоқ етказиб бериш бўйича икки томонлама экспорт шартномасини тузишди. Маҳсулот 2017 йил январидан етказиб берилиши режалаштирилмоқда.

Айни вақтда Беларусь компанияси ичимликлар ва озиқ-овқат маҳсулотлари, агробизнес, ресторан бизнеси билан шуғулланади.    

«Стартфрукт» таркибига кирувчи ёнғоқ фабрикаси йилига 2-5 минг тонна ерёнғоқни қайта ишлайди.

Келгусида томонлар етказиб берилувчи мева-сабзавот маҳсулотлари турлари ва ҳажмини оширишни режалаштирмоқдалар.