Мадриднинг «Реал» клуби собиқ ҳужумчиси Гонсало Игуаин дунёда барча даврларнинг энг яхши ўйинчиси ким экани борасидаги саволга кутилмаган жавоб қайтарди. Форвард айни дамда Туриннинг «Ювентус» жамоасида тўп сурмоқда ва унинг фикрича, «Барселона», «Реал» ва Бразилия термаси собиқ ҳужумчиси Роналдо энг яхши футболчи экан.

«Болалик чоғларимда Италия чемпионатини кўп кузатиб борардим. Ўша пайтда буюк ҳужумчилар тўп сурган - Трезеге, Батистута, Креспо ва Монтелла. Бундан ташқари, у ерда Роналдо бор эди. У жаҳон футболи тарихидаги энг яхши футболчидир», - дея айтиб ўтган Игуаин Италия телевидениесига берган интервьюсида.