Саудия Арабистони Saudi Aramco давлат нефть компаниясининг 49 фоиз акцияларини 10 йил давомида сотиб юборишни режалаштирмоқда. Бу ҳақда маҳаллий Ал-Иқти¬со¬дия нашри ҳукуматга манбага таянган ҳолда хабар берди. 

Нашрнинг таъкидлашича, бу нефть компаниясининг 2017-2018 йилларга мўлжалланган IPO амалиётидан сўнг бошланади. Аввалига Saudi Aramco’нинг 5 фоизлик улушини сотиш режалаштирилган. Амалиёт ҳақидаги қарор Саудия Арабистони ҳукумати қошидаги валиаҳд шаҳзода ўринбосари Муҳаммад бин Салмон раҳбарлик қилувчи мамлакат иқтисодий масалалар ва ривожланиш Кенгаши томонидан қабул қилинади.

Saudi Aramco IPO амалиётини 2018 йилгача ўтказиш ниятида. Давлат амалдорининг маълум қилишича, сотувдан тушган маблағлар мамлакат ва хорижда инвестиция сифатида йўналтирилади. Бу дунёдаги энг йирик давлат инвестицион жамғармасини ташкил этиш мақсадида амалга оширилади. 

Қироллик нефтга боғланиб қолган иқтисодиётни ди¬вер¬си¬фика¬ция қилиш ҳаракатида. Aramco’ни сотиш бўйича илк баёнот 2018 йилда қилиниши мумкин ва бу беш фоизлик улушнинг сотуви янги холдинг учун асос бўлиб хизмат қилади. У активларда 2 триллион долларни ташкил этиши тахмин қилинмоқда.