Евроосиё иқтисодий иттифоқи божхона кодекси 4 та давлат – Россия, Қозоғистон, Қирғизистон, Арманистон президентлари томонидан имзоланди. Бу ҳақда журналистларга Евроосиё иқтисодий комиссияси ҳайъати раиси Тигран Саркисян маълум қилди. 

Саркисяннинг айтишича, Божхона кодексининг янги таҳрири бу жуда омилкор ҳужжат бўлиб, унда жаҳон тажрибалари татбиқ қилинган, божхона тартиботлари анча енгиллаштирилган, Иттифоқнинг ташқи чегараларида маҳсулотларни расмийлаштириш муддатлари қисқарган, электрон механизмларни жорий қилиш ҳамда ташқи иқтисодий фаолият оператори мақомини тақдим қилиш тартибини осонлаштириш назарда тутилган.

Евроосиё иқтисодий иттифоқи божхона кодекси 2009 йилда қабул қилинган Божхона иттифоқи божхона кодекси ўрнига келади. 

Иттифоқ аъзолари янги Божхона кодекси 2018 йилда, кучга киргандан бир йилдан кейин, Евроосиё иқтисодий иттифоқи давлатларига хорижий интернет-дўконлардан маҳсулотларнинг божсиз киритилиши бўсағаси секин-аста камайишни бошлашига келишиб олдилар. Биринчи камайиш 2018 йилда 500 еврога бўлади. 500 евролик меъёрдан юқори қиймат учун 30 фоиз миқдорда, бироқ 1 кг учун 4 евродан кам бўлмаган тўлов кўзда тутилган.   

Янги Божхона кодекси 2017 йил 1 июлдан кучга кириши кутилмоқда.