Ўзбекистон Президенти Шавкат Мирзиёев 22 декабрь куни жойлардаги ижроия ҳокимияти ва давлат идоралари раҳбарлари учун уй-жой қуриш тўғрисидаги қарорни имзолади, деб ёзмоқда Gazeta.uz.

Ҳужжатга кўра, хизмат тураржой фондлари 2017—2018 йилларда намунали лойиҳалар асосида барпо этилади. Қорақалпоғистон Вазирлар Кенгаши ва вилоят ҳокимликлари, давлат идораларининг ҳудудий (вилоят) бошқармалари раҳбарлари учун 0,06 га майдонга бир қаватли, бешхонали уйларни барпо этиш, туман (шаҳар) ҳокимиятлари раҳбарлари ва давлат идораларининг туман (шаҳар) бўлинмалари раҳбарлари учун 0,02 га майдонда икки қаватли, тўрт хонали тўсилган уйларни қуриш белгиланган. 

Дастлабки ҳисоб-китобларга кўра, жами 312,4 млрд сўмлик 1684 та турар-жой барпо этилади (шу жумладан 210 та вилоят даражасидаги раҳбарлар учун). 

Қурилиш ишларини молиялаш манбалари сифатида (жойлардаги ижро ҳокимияти идоралари раҳбарлари учун) маҳаллий бюджет маблағлари, (МХХ ҳудудий бошқармалари раҳбарлари учун) давлат бюджети ҳамда ИИВ, Адлия вазирлиги, Давлат солиқ қўмитаси, Давлат божхона қўмитаси ва Бош прокуратуранинг бюджетдан ташқари маблағлари кўрсатилган