Автомобиль ўғирлаганлар учун жавобгарлик кучайтирилди

Ўзбекистон 27 Декабрь 2016 21411
Фото: Kun.uz

2016 йил 27 декабридан Ўзбекистонда транспорт воситаларини ўғирлаганлик учун жавобгарлик кучайтирилди. 26 декабрда Ўзбекистон Республикаси Президенти Шавкат Мирзиёев Жиноят кодексига тузатишлар киритиш тўғрисидаги қонунни имзолаган. Мазкур қонун Олий Мажлис Қонунчилик палатаси томонидан 6 октябрда қабул қилинган, 12 октябрда Сенат томонидан тасдиқланган эди, деб ёзмоқда Газета.уз сайти. 

Шундай қилиб, ЖКнинг янгиланган 267-моддасига кўра, транспорт воситасини ўғирлаган шахс 5 йилдан 10 йилгача озодликдан маҳрум этилиши мумкин. Бунгача, ушбу жиноятни содир этганлар учун 3 йилдан 5 йилгача озодликдан маҳрум этиш жазоси қўлланилар эди.

Айни жиноят,
а) такроран ёки хавфли рецидивист томонидан, 
б) бир гуруҳ шахслар томонидан аввалдан тил бириктирган ҳолда, 
в) зўравонлик ёки зўравонликни қўллаш таҳдиди ёхуд,
г) транспорт воситасини ўғирлаш ёки зўравонлик билан эгаллаб олиш воситасида амалга оширилса, 10 йилдан 15 йилгача озодликдан маҳрум этиш билан жазоланишга асос бўлади. 

Айни ҳаракат,
а) ўта хавфли рецидивист томонидан, 
б) уюшган жиноий гуруҳ ёки
в) транспорт воситасини босқинчилик йўли билан эгаллаб олиш орқали содир этилса, 15 йилдан 20 йилгача озодликдан маҳрум этишга асос бўлади. 

Аввалроқ, сўнгги уч йилда автомобиль ўғирлаш ҳолатлари 65 фоизга ўсгани хабар қилинган эди. Жиноят кодексига тузатишлар Бош прокуратура томонидан киритилган. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30857 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16961 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66689 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57652 Жамият
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 3651 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 4444 Жаҳон
Шайхонтоҳур туманидаги қасддан одам ўлдириш фош этилди
10:27 3558 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Кўпроқ янгиликлар