Xitoyning Anxoy viloyati politsiya xodimlari ijtimoiy tarmoqlardan birida jonli translyatsiya olib borish vaqtida o‘z joniga qasd qilmoqchi bo‘lgan erkakni to‘xtatib qolishdi, deb xabar bermoqda Global Times.
Ma'lum qilinishicha, voqea Xefey shahrida yuz bergan. Sun familiyali mahalliy 52 yoshli erkak o‘zining sobiq dugonasiga sms-xabar orqali o‘z joniga qasd qilmoqchiligini va buni jonli efirda namoyish qilish istagini bildirgan.
Ayol politsiyaga bu erkak bilan ko‘plab janjallar tufayli munosabatlarni uzganini aytgan.
Chaqiriq bo‘yicha yetib kelgan politsiyachilar erkak katta miqdorda uxlatuvchi dori yutib yubormoqchi bo‘lganda uni to‘xtatib qolishga muvaffaq bo‘lishdi.
