Стэнфорд университети олимлари халқаро гуруҳи дунёдаги энг ингичка сим яратишди. Улар бунинг учун олмос кристалл панжарасининг энг кичик структуравий бирлиги – алмазоиддан фойдаланишди. Бу ҳақда Nature Materials журнали маълум қилди.

Бор-йўғи уч атом қалинликдаги сим иккита: ўтказувчи ва изоляцияловчи қисмдан иборат. Ўтказувчи қисмни олтингугурт ва мис бирлашмаси – халькогенидлар, изоляцияловчи қисмни алмазоидлар ташкил қилади. Тадқиқот муаллифлари сим ўлчамларига эътибор қаратиб, бир ва икки ўлчамли материаллар уларни фазовий материаллардан фарқловчи бир қатор хусусиятларга эгалигини таъкидлашди. 

Олимлар фикрича, уларнинг ихтироси оптоэлектроника, ўта ўтказувчилар ва электр энергия яратувчи материалларни яратишда фойдали бўлиши мумкин. Алмазоидлар ҳозирда электрон микроскоплар ва кичик электрон қурилмалар яратишда қўлланади.