Угандада Альберт кўлида маҳаллий футбол клуби ўйинчилари кетаётган қайиқ тўнтарилиб кетиши оқибатида камида 30 киши ҳалок бўлди. Бу ҳақда The Guardian хабар бермоқда

Ҳуқуқ-тартибот муассасалари вакилларининг айтишича, кўл осойишта бўлган, бироқ спортчилар ва мухлислар Рождество муносабати билан бир қайиққа йиғилиб, унда хурсандчилик қилишаётганда у тўнтарилиб кетган. 

Маълум қилинишича, футболчилар ўртоқлик учрашувига йўл олишаётган бўлган. Кемадаги 45 кишидан 15 киши қутқариб қолинган. 9 кишининг жасади сувдан чиқариб олинган.